«Мұғалжар» аудандық қоғамдық-саяси газеті

АҚШ елшісі: Қазақстан мені таңқалдырып келеді

Қазақстандағы АҚШ елшісі Уильям Мозер 2019 жылғы қызметін қорытындылап, қазақстандықтарды Жаңа жыл мерекесімен құттықтады, деп хабарлайды ҚазАқпарат тілшісі.

«2019 жылдың наурыз айында Қазақстанға елші болып келгенде мені таңғажайып тәжірибе күтіп тұрғанын білдім. Биыл Қазақстан мен АҚШ тығыз ынтымақтастығын дәлелдейтін көптеген бағдарламалар мен шараларға қатысу мәртебесіне ие болдым. Қазақстанның Тәуелсіздігін мойындаған алғашқы мемлекет ретінде АҚШ жарық болашақ жолында қолдау көрсетуге дайын. Соңғы 10 айда Қазақстанның түкпір-түкпірінде, Өскеменде, Атырауда, Оралда, Петропавл мен Шымкент сынды түрлі қонақжай қалаларда болдым», — деді Уильям Мозер Facebook желісінде жарияланған құттықтауында.

Сонымен бірге, дипломат еліміздегі көрікті орындарға бару жөнінде кеңес берген қазақстандықтарға алғыс айтты.

«Әлі талай қызықты орындарды көруім керек, сіздердің ақыл-кеңестеріңіз өте қажет. Қазақстан мені таңқалдырып келеді. Әсіресе, Каспий теңізінің сұлулығы, Шарын шатқалының ерекшелігі таңдай қақтырады. 2020 жылы да мемлекеттеріміз арасындағы достықты нығайтуға ықпал етеміз деп үміттенемін. Жаңа жыл құтты болсын!», — деді У. Мозер.

Ұқсас ақпараттар

ҚАНДЫАҒАШТЫ ҚАЙЫРЫМДЫ ҚАЛА ЕТУ АРМАНЫ…

admin_mugalzhar

Димаштың жаңа әні қытайлық QQ Music платформасында рекорд жаңартты

admin_mugalzhar

Ақтөбеде қалдықтарды газ, электр энергиясы мен тыңайтқыш өндіретін шикізат ретінде пайдалану жоспарланып отыр

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.