Қылмыстық істер жөніндегі мамандандырылған ауданаралық сотының үкімімен Ақтөбе тұрғыны қылмыстық кодекстің «адам зорлау» бабы бойынша кінәлі деп танылып, 19 жыл бас бостандығынан айыру жазасына кесілді.
«Жазаны өтеу орны қылмыстық-атқару жүйесінің қауіпсіздігі барынша жоғары мекемесінде өтеу белгіленді. Жәбірленушінің заңды өкілінің моральдық залалды өтеу туралы азаматтық талабы толық көлемде қанағаттандырылып, сотталғаннан 5 000 000 теңге өндірілді. Үкім заңды күшіне енген жоқ», — деп хабарлады Ақтөбе облыстық сотының баспасөз қызметі.
Еске салсақ, Ақтөбе облыстық полиция департаменті өткен жылы аса ауыр қылмыс жасады деген күдікке іліккен Ермек Ахметовке халықаралық іздеу жариялады.