«Мұғалжар» аудандық қоғамдық-саяси газеті

Қордайдағы жұмыссыз жастарды құрылысы қарқынды жүріп жатқан аймақтарға жіберу керек – Айдар Абуов

Мәдениеттер мен діндердің халықаралық орталығының директоры Айдар Абуов Қордай ауданында болған оқиға туралы пікір білдірді, деп хабарлайды ҚазАқпарат тілшісі.

«Бұл – бүкіл қоғамды дүрліктірген оқиға. Мен екі ұлтты да кінәлауға қарсымын. Мұның бәрі алдын алу шаралары тиісті дәрежеде жүргізілмегендіктен болды деп ойлаймын. Қазіргі уақытта мемлекет әкімді және бірқатар лауазымды тұлғаларды ауыстырды, басқа да шаралар қолданып жатыр», — дейді ҚР ҰҒА құрметті академигі, философия ғылымдарының докторы Айдар Абуов.

Ол мұндай жағдайлардың қалай алдын алуға болатынын айтты.

«ҚР Президентінің жанындағы Мемлекеттік басқару академиясында жаңадан тағайындалған әкімдерге шешімі табылмаған әлеуметтік мәселелердің, қақтығыстардың алдын алу жолдарын үйрету керек. Жұмыссыз адамдарды жұмыспен қамтамасыз етудің бір жолы – Солтүстік Қазақстан аймағына жіберіп, жұмыспен қамту. Арыс, Түркістан және басқа да құрылыс жұмыстары қарқынды жүріп жатқан аймақтарға бригадамен жіберу қажет», — дейді ол.

Еске сала кетейік, 7 ақпанда Жамбыл облысы Қордай ауданындағы Масанчи ауылының тұрғындары арасында жаппай төбелес болды. Көп өтпей Президент Қасым-Жомарт Тоқаев Жамбыл облысы Қордай ауданында болған жаппай төбелеске қатысты пікір білдірді.

«Жамбыл облысы Қордай ауданында бұзақылық сипаттағы жаппай төбелес болды. Оны арандатушылар өз пайдасына қолданбақ болған. Полиция жағдайды реттеп, өз бақылауына алды. Қоғамдық тәртіпті бұзғандар жауапкершілікке тартылады» деп жазды Қасым-Жомарт Тоқаев Twitter парақшасында.

8 ақпанда Мемлекет басшысы Жамбыл облысындағы оқиғаға байланысты мәлімдеме жасады. Арнайы Үкімет комиссиясы құрылып, Жамбыл облысына барды. Ал Ішкі істер министрлігі Қордайдағы қақтығыстан 10 адамның көз жұмғанын растады.

Ұқсас ақпараттар

Семей мен Жезқазған облыс орталықтары болады

admin_mugalzhar

Аида Балаева Ақпарат және қоғамдық даму министрі болып тағайындалды

admin_mugalzhar

ПРЕЗЕНТОВАЛИ КНИГУ «ҒАБИТТІҢ ЖАРҚЫН ІЗДЕРІ»

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.