«Мұғалжар» аудандық қоғамдық-саяси газеті

Google мен АҚШ сенаты Zoom қосымшасын қара тізімге енгізді

АҚШ сенаты қызметкерлеріне қауіпсіздік мәселесіне байланысты Zoom-мен видеоконференция өткізуге тыйым салды, — деп хабарлайды Reuters.

Google корпорациясы да өз компьютерлерінде Zoom бағдарламасын бұғаттады. Бұл туралы BuzzFeed порталы жазды, олар өткен аптада Google-дың компьютерлерінде Zoom орнатылған қызметкерлеріне жіберген хаттамасына сілтеме жасаған. Бұл шешімнің себебі — бағдарламаның қауіпсіздік сақтаудағы осалдығы.

«Біз ұзақ уақыт бойы корпоративтік желіден тыс қызметкерлерге бекітілмеген қосымшалармен жұмыс істеуге тыйым салатын саясатты ұстанып келеміз», — деп мәлімдеді Google өкілі Хосе Кастанеда.

Басқа да бірқатар алып корпорациялар бұл қосымшаны пайдаланудан бас тартты. Қызметкерлерге сервисті пайдалануға тыйым салған алғашқы компаниялардың бірі — SpaceX болды. Олар байланыс үшін балама ретінде электрон пошта мен смартфондағы бейнеқоңырауларды қолданады. SpaceX ғарыш компаниясынан кейін ZOOM-ды пайдалануға NASA да тыйым салды.

Мұның алдында қызметкерлер жаппай қашықтан жұмыс істеуге көшкеннен кейін қосымшаны қолдаланушылар саны үш айда 20 есеге өскені мәлім болған. Күн сайын Zoom-ды 200 миллион адам пайдаланады. Компания басшысы Эрик Юань негізгі ресурстарды тұрақты жұмыс үшін жұмсағанымен, Zoom қауіпсіздіктің тиісті деңгейін қамтамасыз ете алмағанын түсіндірді. 

tengrinews.kz

Ұқсас ақпараттар

ТҰҢҒЫШ ПРЕЗИДЕНТ КҮНІНЕ МҰҒАЛЖАРЛЫҚТАР МАРАПАТТАЛДЫ

admin_mugalzhar

Бақыт деңгейі бойынша рейтингте Қазақстан 45-орынға ие болды

admin_mugalzhar

Қазақстанда 1 тамыздан бастап 30 мыңға жуық адамнан пневмония анықталған

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.