Атырау облысы Құрманғазы ауданында 16 мамыр күні қатты жел соғып, жаңбыр жауды, — деп хабарлайды Tengrinews.kz тілшісі.
ҚР ІІМ ТЖК деректеріне сәйкес, секундына 9 метрге дейін жүйткіген желдің салдарынан үш ғимараттың шатыры ұшқан.
![](https://kaz.tengrinews.kz/userdata/u275/2020-05/resize/02d40e6d991b34d38a8befb0b4df9b24.jpeg)
Атырау облысында жел екі мектептің шатырын ұшырды
Құрманғазы ауданында солтүстік-батыстан соққан желдің салдарынан аудан орталығында орналасқан Әуезов атындағы орта мектептің шатыры қирады.
![](https://kaz.tengrinews.kz/userdata/u275/2020-05/resize/83ce6273d132636b5257d3b3f340d73b.jpeg)
Сафон ауылындағы Энгельс атындағы орта мектептің де шатыры ұшқан. Шатырдың жалпы көлемі 1,3 мың шаршы метрді құраса, соның 150 шаршы метрі бұзылған. Сондай-ақ гараж бен қойманың шатыры қираған.
![](https://kaz.tengrinews.kz/userdata/u275/2020-05/resize/d5660ef193b02e687e1858fc402d14f0.jpeg)
Бұдан бөлек Байда ауылында шекара заставасының территориясында жел қазандықтың (70 шаршы метр) және питомниктің шатырын (48 шаршы метр) қиратты.
![](https://kaz.tengrinews.kz/userdata/u275/2020-05/resize/17b191b2c46cbe3b97e05f1506ae805f.jpeg)
Оқыс оқиғадан ешкім зардап шеккен жоқ.