Ақтөбе қаласында учаскелік инспекторлар “Саяжай” жедел алдын алу іс-шараларын жүргізу барысында әкімшілік учаскені аралау кезінде притон анықтады.
Вохр ауданындағы саяжайлардың бірінде 36 жастағы саяжай иесі өзінің таныстарын жинап, есірткі заттарын дайындаған. Полиция қызметкерлері бір келі көкнәр салынған табақ, үш шприц 10 мл, бір шприцтен (қолданылған) инені тәркіледі.
Сондай-ақ үйде 30 және 41 жастағы Ақтөбе тұрғындары болған. Тергеу әрекеттері жүргізіліп жатыр. Сараптама тағайындалды.
ҚР Қылмыстық кодексінің 302-бабы (есірткі құралдарын, психотроптық заттарды және сол тектестерді тұтыну үшін притондар ұйымдастыру немесе ұстау және сол мақсаттар үшін үй-жайлар беру) бойынша сотқа дейінгі тергеу басталды.