«Мұғалжар» аудандық қоғамдық-саяси газеті

Қазақстанда жаңа аудан құрылды: Тоқаев жарлыққа қол қойды

Мемлекет басшысы Қасым-Жомарт Тоқаев Түркістан облысының әкімшілік-аумақтық құрылысындағы өзгерістер туралы қаулыға қол қойды, — деп хабарлайды Tengrinews.kz тілшісі. Құжат Ақорда сайтында жарияланды.

«Түркістан облысының құрамында әкімшілік орталығы Шорнақ ауылында орналасатын Сауран ауданы әкімшілік-аумақтық бірлігі Кентау қаласының құрамынан Шаға, Жаңа Иқан, Ескі Иқан, Үшқайық, Иассы, Оранғай, Қарашық, Жүйнек, Бабайқорған, Шорнақ, Жібек жолы, Майдантал ауылдық округтерін бөлу жолымен құрылсын», — делінген қаулыда.

Тоқаев Үкіметке осы Жарлықтың 1-тармағын іске асыру жөнінде қажетті шараларды қабылдауға тапсырма берді.

Жарлық алғашқы ресми жарияланған күнінен бастап қолданысқа енгізіледі.

Бұған дейін Кентау қаласы мен оның ауылдық округінің тұрғындары жаңа аудан құру туралы бастаманы қолдағаны хабарланған болатын.

Орта ғасырларда Сауран Тарихи қалашығы Ұлы Жібек жолының бойында орналасқан және ежелгі Түркістанмен байланысты болған.

Айта кетейік, Түркістан облысы 2018 жылдың маусым айында қайта құрылған болатын.

Ұқсас ақпараттар

26 сәуірден бастап ХҚКО кейбір қызметтерді тоқтатады

admin_mugalzhar

Қазақстанда алдағы күндері 40-градусқа дейін аяз болады

admin_mugalzhar

ӘМБЕБАП ӘСЕЛ АПАЙ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.