«Мұғалжар» аудандық қоғамдық-саяси газеті

Сыбайлас жемқорлыққа қарсы агенттіктің жаңа басшысы тағайындалды

Марат Ахметжанов Сыбайлас жемқорлыққа қарсы қызметтің төрағасы болып тағайындалды, — деп хабарлайды Tengrinews.kz тілшісі Ақорда сайтына сілтеме жасап.

Марат Ахметжанов 1964 жылы 22 желтоқсанда дүниеге келген. Білімі жоғары, Евней Арстанович Букетов атындағы Қарағанды мемлекеттік университетін тәмамдаған. Шені — 2-сыныпты мемлекеттік әділет кеңесшісі.

Еңбек жолын 1991 жылы алдымен тағылымгер болып, содан кейін Теміртау прокуратурасының тергеушісінен бастаған.

1993-1996 жылдары — Бас прокуратура жанындағы Сыбайлас жемқорлыққа қарсы күрес жөніндегі арнайы прокуратураның аса маңызды істер жөніндегі аға тергеушісі, Бас прокуратураның Аса қауіпті қылмыстарды тергеу басқармасы аймақтық тергеушілер бөлімінің бастығы болған.

1996-1997 жылдары — Мемлекеттік тергеу комитетінің Аса қауіпті қылмыстарды тергеу басқармасының бөлім бастығы, Мемлекеттік тергеу комитетінің Әскери-тергеу департаменті тергеу басқармасының бастығы.

1997-1998 жылдары — Ішкі істер министрлігінің Әскери-тергеу департаменті тергеу басқармасының бастығы.

1998-2001 жылдары — Тергеу департаменті директорының орынбасарыжәнеӘділет министрлігінің Сот қаулыларын орындау комитеті төрағасының орынбасары.

2001 жылы — Бас прокуратураның Тергеу және анықтау органдарындағы заңдылықты қадағалау департаментінің бастығы.

2003-2006 жылдары — Павлодар облысының прокуроры.

2006-2009жылдары — Оңтүстік Қазақстан облысының прокуроры.

2009-2012 жылдары — ҚР Бас прокуратурасы Құқықтық статистика және арнайы есепке алу жөніндегі комитетінің төрағасы.

2012 жылы — ҚР Экономикалық қылмысқа және сыбайлас жемқорлыққа қарсы күрес агенттігі төрағасының орынбасары.

2014-2016 жылдары — Атырау облысы Мемлекеттік қызмет істері және сыбайлас жемқорлыққа қарсы іс-қимыл департаментінің басшысы,Атырау облысы Сыбайлас жемқорлыққа қарсы іс-қимыл ұлттық бюро департаментінің басшысы.

2016 жылдың 2 маусымынан бастап — Қазақстан Республикасы Бас прокурорының орынбасары болды.

Ұқсас ақпараттар

7 мың тұрғынға тегін медициналық көмек көрсетті

admin_mugalzhar

Нұр-Сұлтанда ауылшаруашылық жәрмеңкесі өтеді

admin_mugalzhar

Соңғы екі тәулікте Ақтөбеде коронавирус инфекциясы тіркелген жоқ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.