Дәрігер Александр Мясников ұзақ өмір сүрудің ең тиімді әрі оңай тәсілін мәлімдеді, деп хабарлайды “Адырна” ұлттық порталы.
Риа Новостидің жазуынша, сарапшы спорттық жаттығулар адамға кез келген жаста қажет екенін атап өтті. Онкология сынды ауыр сырқаты барлар да үнемі жаттығуға мән беруі керек.
«Қатерлі ісік диагнозы қойылған науқас төсек тартып жатса да, жаттығу жасағаны жөн. Сол кезде біршама ұзақ өмір сүретін болады», — дейді дәрігер.
Мясников бұл үшін фитнес-клубтарға абонемент сатып алып, көп қаражат жұмсау міндетті емес деп отыр.
«Лифттен бас тартыңыз! Бір жерге бару керек болса, жаяу жүріңіз! Күніне кем дегенде 5 шақырым жаяу жүрген абзал. Отырғаннан гөрі көбірек тұруға тырысу керек», — деп кеңес берді маман.