Қандыағаш мектебінде ІТ класс ашылды

4363 0

«Нұр Отан» партиясының «Партиялық жаңғыру» бағдарламасы аясында Қандыағаш қаласындағы №1 орта мектебінде ІТ класс ашылды. Заманға сай жабдықталған кластың ашылу салтанатына «Нұр Отан» партиясының Мұғалжар аудандық филиалының бірінші орынбасары Құрания Аймағамбетов, аудандық білім бөлімі басшысының уақытша міндетін атқарушы Медет Шарипов қатысты.

 Мемлекет басшысының цифрландыруды дамытуға бағытталған тапсырмасына орай, партия тарапынан қолға алынған бұл бастама «Балалар үшін тегін ІТ-кабинеттер» жобасымен нақты іске асып келеді. Ал Ақтөбе өңірінде аталған жоба биылғы жылы жарияланған «Бақытты бала» жобасымен ұштастырылып жүзеге асуда. Ресми мәліметтерге сүйенсек, «Нұр Отан» партиясының осы жобасымен облыста 20 ІТ класс ашу биылғы жылға жоспарланып отыр. Оның дені аудан орталықтарымен мен ауылдарда ашылмақ.

Жастарды жаңа технология дәуіріне бейімдеу, олардың ғылыми-шығармашылық және зерттеу дағдыларын арттыру мақсатында ашылып жатқан ІТ класс Мұғалжарда бірінші болып қалалық №1 орта мектепте ашылды.  ІТ кабинетте оқушылар 3D модельдеу, сәулет, дизайн, анимация, бағдарламалау және веб-сайтты құру жұмыстарын үйренеді. Сандық технологияны меңгеріп, робототехникамен айналысады. Кластың ашылу салтанаты барысында мұндағы оқушылар тіпті робототехниканы меңгеріп алғандарын көрсетті.

-ІТ-сынып арқылы менің жобам «Күшік-робот» деп аталады. Күшіктерді жақсы көретін болғандықтан осылай  атадым. Күшік робот кәдімгі күшік секілді айналасындағы қозғалыстарды байқап үре алады. Сонымен қатар, сүйек пішінде жасалған құралды өзіне жақындатқан жағдайда күшік робот сүйектің иісін сезінгендей кейіп білдіреді. Өз идеяларымды іске асыру үшін «LEGO EV3» бағдарламасын пайдаландым. Мен IT класс арқылы бұл мүмкіндікті пайдаланып, өзіме қызықты бағдарламаны үйрендім, — дейді мектептің 10-класс оқушысы Алишер Шакирұлы.

Салтанатты қатысушылар ІТ кластағы оқушылардың туындыларын тамашалап,  ондағы заманауи бағыттағы технологиялармен танысты. Айта кетейік, «Нұр Отан» партиясы 2020 жылға дейін еліміз бойынша мың  ІТ класс ашуды жоспарлап отыр.

Әнуар ЕСҚАРА    

 

Оқи отырыңыз

Мұғалжарлық спортшылар жүлделі оралды

24.05.2018 0
Жақында мұғалжарлық қос спортшы Таисия Дьяченко мен Нұржан Жазимов Финляндияның Ванта қаласында пауэрлифтингтен өткен әлем чемпионатынан жеңісті жүлдемен оралды. Аталған…

Ажалың мен бейнетің 700 теңге

07.11.2017 0
…Тақырыпты осылайша айқалатып қоймасқа болмады. Өйткені, республикалық маңызы болса да жетімнің күйін кешіп жатқан күре жолмен Қандыағаш-Ақтөбе бағытына қатынап нәпақа…

Ақтөбе облысы тұрғындарының назарына!

06.06.2018 0
2018 жылдың 4 маусымынан бастап «Дабыл-2018» республикалық командалық-штабтық оқу-жаттығулары басталды.  Оқу-жаттығулардың мақсаты – төтенше жағдайлар кезіндегі күштік құрылымдар мен жергілікті…

Жол көлік оқиғасы көбейіп кетті

29.08.2018 0
Биылғы жылдың соңғы жеті айындағы көрсеткіш бойынша ауданда жол көлік оқиғасы былтырғымен салыстырғанда артып отыр. Мұғалжар аудандық ішкі істер бөлімінің…

В поисках бизнес идей

12.04.2019 0
В рамках года молодежи в Мугалжарском районе был проведен бизнес-тренинг по обучению основам предпринимательства, организованный Мугалжарским филиалом палаты предпринимателей «Атамекен»,…

Пікір қалдыру

Ваш e-mail не будет опубликован. Обязательные поля помечены *