151 500 теңге айыппұл салынды

1290 0

Қандыағаш қаласындағы «Дина» супермаркетінен мерзімі көрсетілмеген және бұзылып кеткен шұжық өнімін анықтадық. Әрине, әдейі емес, кездейсоқ. Көп тұтынушылар сынды бізде азық-түлік алғанбыз. Сапасыз тауардың сауда сөресінде тұруына байланысты аудандық қоғамдық денсаулық сақтау басқармасына шағым түсірдік.

Аудандық қоғамдық денсаулық сақтау басқармасының өкілдері біз шағымда көрсеткен  «Лучшее решение» ЖШС-не қарасты «Дина» супермаркетінің сөресіндегі «Телячья «Ет Байрам» халал жартылай қақталған шұжық өнімінің сапасына санитарлық-эпидемиологиялық тексеру жұмыстарын жүргізді. Тексеру барысында Орал қаласындағы «Жайық Агро LTD» ЖШС-нің  «Телячья «Ет Байрам» халал жартылай қақталған шұжық өнімінің сыртында мерзімі көрсетілмегені рас болып шықты. Ал бұл ҚР Денсаулық сақтау министрлігінің 2017 жылы мамыр айындағы бұйрығымен бекітілген «Тамақ өнімдерінің көтерме және бөлшек сауда объектілеріне қойылатын санитарлық-эпидемиологиялық талаптарының» 68 тармағын бұзу болып табылды. Сонымен қатар, аталған шұжық өнімі микробиологиялық зертханада тексеріліп, бұзылған шұжықтың құрамынан 1 грамм бактерия тобындағы ішек таяқшасы анықталды. Осыған орай, «Жайық Агро LTD» ЖШС-не 151 500 теңге көлемінде әкімшілік айыппұл салынды.

Аудандық қоғамдық денсаулық сақтау басқарамасының басшысы Мейіржан Есімбаевтың айтуынша, кез келген тұтынушы сатып алатын азық-түлік тауарларының тиісті құжаттарын талап етуге, тексеріп алуына толықтай құқықылы. Ал сатушылар оларға көрсетуге міндеттеледі. Егер де азық-түлік тауарларының сапасы бұзылған немесе мерзімі өтіп кеткен жағдайда аудандық қоғамдық денсаулық сақтау басқармасына шағым түсіре алады.

P.S. Азық-түлік тауарларының қауіпсіздігіне немқұрайлы қарамайтын кез келген тұтынушы кейбір салғырт кәсіпкерлердің олақтығына осындай азаматтық белсенділктерімен ғана тосқауыл бола алады. Өйткені, сапасыз азық өзінің де, өзгенің де денсаулығына қауіпті. Сондықтан бұған жауапкершілікпен қараған жөн.

Әнуар ЕСҚАРА

Оқи отырыңыз

Ұстаз есімі – мектеп төрінде

16.11.2017 0
Облыс әкімі Б.Сапарбаевтың тапсырмасымен қолға алынған «Туған жерге тағзым» акциясы аясында мектептердегі кабинеттерге елеулі жандардың есімін беру ісі Басшилі ауылындағы…

Мас жүргізуші адам қағып кетті

11.01.2018 0
Қандыағаш қаласында көлікті ішімдік ішкен күйінде басқарған жүргізуші 63 жастағы әйел адамды қағып, мерт қылды. Ақтөбе облыстық ішкі істер департаментінің…

Қандыағашта жол апаты болды

26.11.2017 0
Кеше Мұғалжар ауданының орталығы Қандыағаштың бас көшесінің бірі «Интернациональный» көшесінде жол көлік оқиғасы болды. Салдарынан 15 адам ауруханаға түсті. Жол…

Бір жылда атқарылған жұмыс қағазсыз баяндалды

07.02.2019 0
Қаңтардың бел ортасында басталған Мұғалжар ауданының әкімі Ербол Данағұловтың тұрғындар алдындағы есебі кеше Қандыағаш қаласында қорытындыланды. Қаладағы «Сұлтан» мәдени-демалыс кешенінде…

Пікір қалдыру

Ваш e-mail не будет опубликован. Обязательные поля помечены *