«Мұғалжар» аудандық қоғамдық-саяси газеті

Қазақстанда той өткізуге рұқсат етілді

Қазақстанда эпидемиологиялық жағдай тұрақтануына байланысты карантин жеңілдейді. Осыған байланысты үйлену тойлары мен мерейтойлар өткізуге рұқсат етілді. Бірақ тойханаларға Ashyq-та статусы «қауіпсіз» қонақтар ғана кіргізіледі, деп хабарлайды Stan.kz ақпарат агенттігі.

Бүгін Қазақстан премьер-министрінің орынбасары Ералы Тоғжановтың төрағалығымен COVID-19 таралуына жол бермеу жөніндегі ведомствоаралық комиссияның отырысы өтті.

«Денсаулық сақтау министрі Алексей Цой елдегі эпидемиологиялық жағдай тұрақтанғанын, соңғы екі аптада сырқаттанушылық пен өлім-жітім деңгейі 60%-ға төмендегенін айтты. Осыған байланысты 27 қыркүйектен бастап «Ashyq» бойынша «қауіпсіз» мәртебесі бар қызметкерлер мен келушілердің қатысуымен келесі іс-шараларды өткізуге рұқсат етіледі», – делінген COVID-19 таралуына жол бермеу жөніндегі ведомствоаралық комиссияның хабарламасында.

Атап айтқанда, 27 қыркүйектен бастап салтанатты, еске алу және отбасылық шараларды (банкет, үйлену тойы, мерейтой) өткізуге рұқсат беріліп отыр.

«Жасыл» аймақта тұрған өңірлерде зал 50%-ға дейін ғана толуы керек, 100 орыннан аспауы шарт.

«Сары» аймақта да 50%-ға дейін, 70 орыннан аспауға тиіс.

«Қызыл» аймақта 50%-ға дейін, 50 орыннан аспауы керек.

Сонымен қатар форумдар, көрмелер, марафондар өткізуге болады. Толығырақ төмендегі кестеден көре аласыздар.

Сондай-ақ Ералы Тоғжанов вакцинацияға қолжетімділікті арттыру мақсатында әкімдіктерге әуежайларда, теміржол вокзалдарында, ірі базарлар мен сауда орындарында талаптарға сәйкес келетін пункттер ұйымдастыруды тапсырды.

ВАК отырысының қорытындысы бойынша премьер-министрдің орынбасары бірқатар басқа тапсырмалар берді.

Ұқсас ақпараттар

Қазақстан бірыңғай уақыт белдеуіне көшеді: рейске кешігіп қалмау үшін не істеу қажет

admin_mugalzhar

ІНДЕТ ӘЛІ ІРГЕСІН АЛЫСТАТПАДЫ

admin_mugalzhar

САҚ БОЛЫҢЫЗ! ҚЫЗЫЛША ҚАУІПТІ!

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.