Елбасы Нұрсұлтан Назарбаев Қазақстан халқына арнаған жыл сайынғы Жолдауында оқушыларға берілетін тапсырманы азайтуды тапсырды, деп хабарлайды Mugalzhar.kz, Baq.kz тілшісінің мәліметіне сілтеме жасап.
Сонымен қатар Қазақстан президенті білім берудің барлық деңгейінде математика және жаратылыстану ғылымдарын оқыту сапасын күшейту қажеттігін атап өтті. Осы орайда Елбасы еліміздің барлық өңірінде оқушыларды ғылымға тарту үшін тиісті жағдай жасау керектігін хабарлады.
«Барлық өңірлердегі Оқушылар сарайларының базасында компьютерлерді, лабораторияларды және 3D-принтерлерді қоса алғанда, барлық қажетті инфрақұрылымдары бар балалар технопарктері мен бизнес-инкубаторларының желісін құру керек. Бұл жас ұрпақты ғылыми-зерттеу саласына және өндірістік-технологиялық ортаға ұтымды түрде кірістіруге көмектеседі», — деді президент Қазақстан халқына арнаған Жолдауында.