200-ден астам мұғалжарлық баспаналы болады

0
16469

Биылғы жылы пәтер кезегінде тұрған 200-ден астам отбасы қоныс тойын тойлайды.

Өткен жылы соңғы отыз жылда бірінші рет Қандыағашта екі көпқабатты тұрғын үйдің құрылысы басталған болатын. Аудандық сәулет, қала құрылысы және құрылыс бөлімінің басшысы Амангүл Үрістемованың айтуынша, бүгінгі таңда «Достық» мөлтек ауданы мен «Жастық» мөлтек ауданында бой көтерген екі көпқабатты үйдің құрылысы толық аяталды. Сонымен қатар, биыл «Самал» мөлтек ауданында («Нұр Отан» партиясы аудандық филиалы ғимараты маңынан) 8 пәтерлік 3 тұрғын үй салынады. Бұл үйлердің құрылыс жұмыстары мамыр айында басталып, қыркүйек айында аяталады деп күтілуде.

Қандыағаш қаласында бұдан басқа, былтырғы жылы жөнделіп басталған Есет батыр көшесіндегі №13 үйде  қаражат мәселесі шешілсе жөнделіп, пайдалануға берілмек.

Аудандық тұрғын үй шаруашылық, жолаушылар көлігі және автомобиль жолдары бөлімінің мәліметіне сүйенсек, жалпы қазіргі күні Қандыағаша қаласында пәтер кезегінде тұрғандардың саны – 1 378 адам.

Әнуар ЕСҚАРА