«Ат-ердің қанаты» демекші, көкпар десе қаны қозбайтын қазақ жоқ. Осының бір дәлелі, мерекеге орай Ащысай ауылдық округі әкімдігінің қолдауымен және ащысайлық белсенді азаматтардың ұйымдастыруымен ұлттық спортты ұлықтау мақсатында «Көкпар» ойыны өткізілді.
Еңбектеген баладан еңкейген қарияға дейін ойынды тамашалау үшін шаршы алаңға жиналып, көкпар алдымен қатысушылардың ауыл үлкендерінің батасын алуымен бастау алды.
Ойын нәтижесінде «Жастар» командасы жеңіске жетті. Жеңімпаздарға бір жандық және 30 мың теңге қаржылай сыйлық берілді. Ал екінші орынды «Наурыз» командасы қанжығасына байласа, «Рамазан» командасы үштікті қорытындылаған.
«КӨКПАР» ӨТТІ АУЫЛДА
