4625 ТОННА АСТЫҚ – ҚАМБАДА

0
218

ЫРЗЫҒЫН ЖЕРДЕН ІЗДЕГЕН АУДАН ДИҚАНДАРЫ АЛҚАПТАРДАН ӨНІМ ЖИНАУҒА КІРІСІП КЕТТІ. 10 600 ГЕКТАР ЖЕРГЕ СЕБІЛГЕН ДӘНДІ-ДАҚЫЛ ТҰҚЫМДАРЫ БІТІК ШЫҒЫП, БҮГІНДЕ ОНЫҢ 9000 ГЕКТАРДАН АСТАМ ЖЕРІ ОРЫЛДЫ.

Егістік алқаптарына негізінен бидай мен арпа тұқымдары егілген. Жиын-терімнің түсіміне болжам жасаған ауылшаруашылық мамандары биылғы астықтың өнімділігі орташа екенін айтады. Осы уақытқа дейін әр гектарынан 5 центнер астық алған шаруалар қамбаға 4625 тонна астық құйып үлгерген. Сонымен қатар, алдағы уақытта майлы дақылдардың да алқабына орақ түседі деп күтіліп отыр. Аудан бойынша 1300 гектар жерге егілген майлы дақылдардың түсімділігі былтырғымен салыстырғанда жақсы болатынына сенімді мамандар. Биыл ауылдық округтердегі диқандардың да астықтары бітік шықты. Айталық, талдысайлық “Арман-М” шаруа қожалығы гектарына 15-17 центнерден астық алды.

Н.ТІЛЕП