САЙЛАУҒА ДАЙЫНДЫҚ ПЫСЫҚТАЛДЫ

0
57

Өткен аптада ауданға жұмыс сапарымен Ақтөбе облысы әкімінің орынбасары Мейрамбек Шермағанбет пен “Nur Otan” партиясы Ақтөбе облыстық филиалы төрағасының бірінші орынбасары Ербол Данағұлов келді. Сапар аясында Қандыағаш қаласында орналасқан дауыс беру учаскесінің дайындық жұмыстарын қарады. Дауыс беру кезінде заңдылықты толық қамтамасыз етуге, бақылаушыларға жағдай жасауға және санитарлық талаптарды қатаң сақтауға мән берді. Сонымен қатар, Ербол Жеткергенұлы Мұғалжар ауданы бойынша бастауыш партия ұйымының төрағаларымен және праймеризге қатысып жатқан үміткерлермен кездесіп, праймериздің ел тарихында болмаған үлкен саяси құбылыс екенін, оның толыққанды демократиялық жағдайда өтетінін, үміткерлердің бұл сайлауда жеңіске жетуі үшін сайлауалды бағдарламаларының мықты болуы керектігін жеткізді.

«МҰҒАЛЖАР-АҚПАРАТ»