Қайыңды ауылдық кітапханасы оқырмандар арасында экология тақырыбын насихаттау мақсатында «Табиғатты аялайық» атты сурет байқауын ұйымдастырды.
Оқырмандардың салған туындылары кітапхананың әлеуметтік парақшасына жарияланды. Байқауға 13 сурет ұсынылды. Қорытындылау нәтижесінде І орынға Жанарыс Дайыров, ІІ орынға Бақдәулет Бошанов пен Нұрай Абдуали, ал ІІІ орынға Жансая Жидебай, Назира Бошанова және Еркебұлан Қойшыбай ие болды. Ал Адина мен Амина Айсұлтанова, Инабат Құдайберген, Жаннұр Бошанова, Назым Абдуали, Амира Жидебай, Еркеназ Елубай, Аружан Бошановаға алғыс хатпен және естелік сыйлықтар берілді. Сонымен қатар, кітапханаға келген оқырмандарға экология туралы түсінік беріліп, табиғатты қорғау туралы ақпарат айтылды. — Байқаудың мақсаты — табиғатты таза ұстауға шақырып, экологияны болдырмауды насихаттау. Қоршаған ортаға зиян келтіретін іс-әрекеттердің болмауын қадағалауды үйрету. Оқушылардың күзгі демалыс уақыттарын тиімді пайдалануына орай, оқырмандарды кітапханаға тарта отырып, уақыттарын қызықты қылып өткізу, — деді Қайыңды ауылдық кітапханасының кітапханашысы Қарлығаш Қонарбаева.
Ә.ӨМІРТАЕВ