«Мұғалжар» аудандық қоғамдық-саяси газеті

Қазақстанда 14 мыңнан астам шетелдік азамат еңбек етеді

2021 жылғы 1 ақпандағы жағдай бойынша Қазақстан Республикасының аумағында жергілікті атқарушы органдардың рұқсаты бойынша 14 136 шетелдік азамат еңбек қызметін жүзеге асыруда. Шетелдік жұмыс күшін тартуға берілген рұқсаттардың ішінде мынадай санаттар бар: бірінші санат – 631 (басшылар және олардың орынбасарлары), екінші санат – 3 262 (құрылымдық бөлімшелердің басшылары). Тартылған шетелдік жұмыс күшінің негізгі бөлігі үшінші (мамандар) және төртінші (білікті жұмысшылар) санаттарға жатады, тиісінше 7 172 адам және 749 адам. Сондай-ақ маусымдық жұмыстарға 658 адам, ал корпоративтік ауыстыру шеңберінде 1 664 адам тартылды. Қазіргі уақытта Қазақстанда шетелдік жұмыс күшін пайдаланатын 1 657 жұмыс беруші бар. Оларда 402 мыңнан астам Қазақстан азаматтары жұмыс істейді, бұл жалпы жұмысшылар санының 96%-ін құрайды. Еңбекші мигранттар шығатын негізгі елдер: Қытай – 3 530 адам, Түркия – 1 492 адам, Үндістан – 1 119 адам, Ұлыбритания – 882 адам, Өзбекстан – 593 адам. Естеріңізге сала кетейік, ішкі еңбек нарығын қорғау мақсатында ҚР Еңбек және халықты әлеуметтік қорғау министрлігі жыл сайын елімізге шетелдік мамандарды тартуға квота белгілейді. 2021 жылы квота мөлшері жұмыс күшіне шаққанда 0,31% немесе 29,3 мың бірлікті құрады.

Ақпарат көзі: ҚР Еңбек және халықты әлеуметтік қорғау министрлігінің баспасөз қызметі

24.kz

Ұқсас ақпараттар

БҰЛАҚТЫ АУЫЛЫ: ЖОСПАРДА ГАЗ ҚҰБЫРЫН ТАРТУ

admin_mugalzhar

ПРЕЗИДЕНТ ҚАСЫМ-ЖОМАРТ ТОҚАЕВ МЕМЛЕКЕТТІК ҚЫЗМЕТШІЛЕРДІ КӘСІБИ МЕРЕКЕЛЕРІМЕН ҚҰТТЫҚТАДЫ

admin_mugalzhar

МҰҒАЛЖАР АУЫЛЫНДА ЖЕКЕ ТҰРҒЫН ҮЙДЕ ӨРТ БОЛДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.