Жалғыз қалған қарттардың дені қала орталықтарында көп екені жасырын емес. Аталған жағдайды ауылдық жерлерден кездестіру сирек болатын. Дегенмен қараусыз қалған қарттардың қатарын ауыл-аймақтар да толықтырады.
Қартайған шағында балаларының емес, мемлекеттің қамқорына қарап қалған ауыл қарттарына әлеуметтік қызметкер тағайындалды. Ауданға қарасты Еңбек ауылдық ауылдық орталығы Сағашилі ауылындағы жалғызбасты қарттарға қарау ауыл тұрғыны Сәндігүл Илясоваға жүктелген. Бүгінде ол ауыл қарттарына аптасына екі мәрте барып, үй шаруасына көмектесіп, азық-түлігі мен дәрі-дәрмегін жеткізіп береді.