Жұмыс істеймін деген азаматтарға үкімет тарапынан қолдау бар. Ауданда тұрғындарды жұмыспен қамтуға жәрдемдесудің кешенді жоспары жасақталып, тиісті жұмыстар жүргізілуде.
Аудандық жұмыспен қамту орталығы арқылы «Халықты жұмыспен қамтуға жәрдемдесу арқылы еңбек нарығын дамыту және еңбек ресурстарының ұтқырлығы» бағыты аясында жастар практикасы, қоғамдық жұмыстар бағыттары бойынша мұғалжарлықтарға жолдамалар берілуде.
Жыл басынан 14 мұғалжарлық мамандықтары бойынша аудандағы мекемелер мен кәсіпорындарға жастар практикасы бойынша жұмысқа орналасты. Жастар практикасы бойынша жұмысқа жіберілген мамандар бұрынғыдай 6 ай емес 2022 жылдан бастап 1 жылға ұзартылды.
Сондай-ақ 349 мұғалжарлық жыл басынан ақылы қоғамдық жұмысқа жіберілді.