ЕМБІЛІК ТАЭКВОНДОШЫЛАР ТАРАЗ ҚАЛАСЫНДА ӨТКЕН КАДЕТТЕР МЕН ЕРЕСЕКТЕР АРАСЫНДА ITF ТАЭКВОНДОДАН РЕСПУБЛИКАЛЫҚ ЧЕМПИОНАТҚА ҚАТЫСЫП, ЖЕҢІМПАЗДАР ТҰҒЫРЫНАН КӨРІНІП, ЖҮЛДЕЛІ ОРЫНДАРМЕН ОРАЛДЫ.
Аталған жарысқа еліміздің барлық өңірлерінен, соның ішінде Ақтөбе облысынан 340-тан астам таэквондошы қатысты. Жарыс нәтижесі бойынша бағы мен бабы қатар шапқан спортшылар арасында Назерке Майханова І орынды иеленіп, чемпион атанды. Ол өткен жылы да республика чемпионатының жүлдегері атанған болатын. Ал Әмір Әбубәкіров пен Еркеназ Сабитова ІІІ орындарды жеңіп алды. Қазақстан чемпионатының қорытындысы бойынша ел құрамасына Назерке Майханова қабылданып, Амстердамдағы әлем чемпионатына, сондай-ақ Болгарияда өтетін Еуропа чемпионатына жолдама алды. Назеркенің жеңіс тұғырынан көрініп, спортта жетістікке жетуіне жаттықтырушысы Медет Құрманғалиевтің қосып жүрген үлесі зор.
Н.ТІЛЕП