Ауданға келген облыстық делегаттар Қандыағаш қаласында орналасқан «Medlife+» медициналық және «Зәру» пантымен емдеу-сауықтыру орталықтарының жұмыстарымен танысты. Жеке инвестордың қаржысына ашылған гемодиализ орталығы бүйрек жұмысын жақсартуға және вирусты гепатитке шалдыққандарға көмек көрсетеді. Бұл орталықтың емдік қызметін бүгінде Мұғалжар, Байғанин жəне Темір аудандарының тұрғындары қабылдап келеді.
Сонымен қатар «Зәру» емдеу-сауықтыру орталығына бас сұғып, пантымен емдеу жолдарымен танысқан облыстық мәслихат депуттары мен облыстық денсаулық сақтау басқармасының басшысы емдеу-сауықтыру орталығына мүмкіндігі шектеулі жандарға тегін, зейнеткерлерге жеңілдікпен емдеу үшін облыстық бюджеттен қаржыландыру жолдарын қарастыруды ұсынды.
ЕМДЕУ-САУЫҚТЫРУ ОРТАЛЫҚТАРЫНЫҢ ЖҰМЫСТАРЫМЕН ТАНЫСТЫ
