Ащысай ауылында соғыс ардагерлеріне арнап ұрпақтары ескерткіш тақта орнату жұмыстарын жүргізуде.
Ескерткіш тақтаны орнату бойынша ауылдық қоғамдық кеңесте талқыланып, ауыл тұрғындарының демеушілік көмегімен салынып жатыр. Ащысай ауылдық округінің әкімі Б.Оразов ескерткішке қажетті жер телімін бөлді.
«Рухани жаңғыру» бағдарламасы және «Туған жерге тағзым» акциясы аясында жарқын болашақ үшін еңбегін сіңірген, өмірін арнаған тұлғалардың есімдерін мәңгі есте қалдыру мақсатында ескерткіш тақта орнату жоспарланған болатын.
Биіктігі — 2,10 метр, ұзындығы 6 метр болатын тақтаға 200-ге жуық ерлеріміздің есімдері қашалып жазылады. Тақта ортасында «Ер есімі — ел есіңде» деген жазу және жұлдызша орнатылады.
АЩЫСАЙДА СОҒЫС АРДАГЕРЛЕРІНЕ ЕСКЕРТКІШ ОРНАТЫЛАДЫ
