Қандыағаш қаласында салынып жатқан дене шынықтыру-сауықтыру кешенінің құрылыс жұмыстары аяқталды. Спорт нысанында шағын футбол, волейбол, баскетбол, күрес, жаттығу залдары мен бассейн қарастырылған. Қазіргі таңда оқу-жаттығу жиынына қажетті құрал жабдықтар қойылуда.
Сонымен қатар арнайы оқу-жаттығу жиындарының кестесіне аудандық педагогикалық-психологиялық түзету кабинетінің мүмкіндігі шектеулі балаларына бассейнде жаттығумен айналысуына мүмкіндік беріледі.
Бүгінгі таңда дене шынықтыру-сауықтыру кешенінің алдын абаттандыру жұмыстары жүргізілуде. Жаяу жүргіншілер жолымен, ғимаратқа келушілердің көлік тұрақтары жасалуда. Құрылыс жұмыстарын ПК «Ерзат» компаниясы жүргізді.