Португалия мемлекетінің Коимбра қаласында дзюдо күресінен жастар арасында Еуропа кубогі өтуде. Дүбірлі додада Қазақстан жастар құрама командасының сапында өнер көрсеткен мұғалжарлық Әділет Алмат пен Жанарыс Рахметқали жеңіс тұғырынан көрінді.
73 келі салмақта сынға түскен Қандыағаш қаласының мамандандырылған балалар-жасөспірімдер спорт мектебінің түлегі Әділет Алмат қарсыластарының алдын орап Еуропа кубогінің алтын медалін иеленді. 66 келіде Ембі қалалық балалар-жасөспірімдер спорт мектебінің түлегі Жанарыс Рахметқали қола жүлдеге қол жеткізді. Жаттықтырушылары Аслан Шайхин мен Талғат Рятов.