20-21 мамыр күндері Испания мемлекетінің Малага қаласында жастар арасында дзюдодан Еуропа кубогі өтті. Жарысқа 22 елден 309 спортшы қатысты. Осы додаға қатысқан мұғалжарлық Әділет Алмат пен Жанарыс Рахметқали ел намысын абыроймен қорғап жүлделі орындардан көрінді.
Қандыағаш қаласының мамандандырылған балалар-жасөспірімдер спорт мектебінің түлегі Әділет 73 келі салмақта ІІ орынды, Ембі қалалық балалар-жасөспірімдер спорт мектебінің түлегі Жанарыс 66 келіде ІІІ орынды иеленді. Жаттықтырушылары Аслан Шайхин мен Талғат Рятов.