Ақтөбе қаласында Өнер орталығында Республика күніне арналған «Менің Қазақстаным» атты мерекелік іс-шара өтті. Онда облыс әкімі Асхат Шахаров облыстың дамуына сүбелі үлес қосқан, өз саласында зор жетістікке жеткен азаматтарға мемлекеттік наградалар табыс етті.
Мерекелік іс-шарада марапат алғандардың қатарында мұғалжарлық азаматтарда болды.
Мемлекет басшысының Жарлығымен ІІІ дәрежелі «Еңбек даңқы» орденімен «Энергосистема» ЖШС Ембі электр желілерінің учаскелік электр монтері Дабыл Жалмағанбетов, «Ерен еңбегі үшін» медалімен «СНПС-Ақтөбемұнайгаз» АҚ Мұнай-газ өндіру басқармасының операторы Ербол Ибраев наградталды.
Дабыл Жалмағанбетов 40 жылға жуып электр желісі саласында еңбек етіп келеді. Ал Ербол Ибраев 33 жылдан бері мұнай саласында абыройлы қызмет атқаруда.