Әнші, Қазақстанның халық әртісі Димаш Құдайберген «Виртуоздар» телешоуында қазылық етіп жатыр, деп хабарлайды Zakon.kz-ке сілтеме жасаған Mugalzhar.kz.
Бұл туралы әртіс өзінің Instagram-дағы парақшасында жазды.
«1999 жылы біздің үйде үш ұлы тенордың концерті жазылған кассета болды. Бірақ мен жылдар өте келе Ұлы Пласидо Домингомен бірге Еуропадағы ең қызықты «Виртуоздар» телешоуының қазылар алқасының мүшесі болып жұмыс істейтінімді елестете алмадым. Бұл — жас талантты сайыскерлер үшін нағыз жұлдыз атануға тамаша мүмкіндіктердің бірі. Барлық қатысушыға және бізге, қазылар алқасының мүшелеріне сәттілік тілеймін. @Placido_domingo шақырғаныңыз үшін алғысым шексіз!», — деп жазды ол.