Аудан әкімдігінде аудан әкімі Дархан Ермағанбетовтың төрағалығымен өткен жиында қызылша ауруына қатысты аудандағы санитариялық-эпидемиологиялық ахуал және жұқпалы аурудың таралуына қарсы күрес мәселелері қаралды.
Отырыста аудандық аурухананың бас дәрігері Сәбит Кеулімжаев, аудандық санитарлық-эпидемиологиялық бақылау басқармасының басшысы Ерлан Мұратов баяндама жасады.
Қызылшаның алдын алудың ең тиімді жолы – вакцинация. Бүгінгі таңда қызылшаға қарсы вакцинация жүргізу үшін аудандық ауруханаларда вакцинаның жеткілікті қоры бар. Сондықтан мамандар барша тұрғындарды балалардың денсаулығын қатерге тікпей уақтылы вакцина қабылдауға шақырады. Жиын қорытындысында аудан әкімі уәкілетті органдарға санитариялық-эпидемияға қарсы және санитариялық-профилактикалық іс-шараларды әсіресе балабақшалар мен мектептерде ата-аналарға толық түсіндіру мен ұйымдастыру жұмыстарын күшейтуді, тұрғындар арасында екпе алудың қажеттілігі мен тиімділігін ақпараттандыру бойынша іс-шаралар жоспарын әзірлеп, тиісті жұмыстарды жүргізуді, сондай-ақ аудан аумағында санитариялық-эпидемиологиялық жағдайды қатаң бақылауда ұстауды тапсырды.