Облыс аумағында ауа райының күрт жылынып кетуіне байланысты 25 наурыз күні Ембі қаласының таулы аймақ бетінен және қала бойынша қар сулары жылдам еріп қала көшелерін су басқан болатын.
Туындаған мәселені шешу мақсатында «AltynEx company»,«Ембі жылу»,«Техник» мекемелерінің арнайы техникаларымен су арнасын қауіпсіз жаққа бұру бойынша тиісті жұмыстар жасалынды.
Сондай-ақ толассыз келіп жатқан ағын судың тұрғын үйлерге қауіп төндіруіне байланысты Ембі-Алтынды бағытындағы тас жолы жырылып, жол уақытша жабылды. Қазіргі таңда тұрғын үйлерге су кіру қауіпі сейілді. Ембі қаласы бойынша коммуналдық қызметтер күшейтілген тәртіппен жұмыс істеуде. Жедел штабтың мүшелері және төтенше жағдайлар бөлімінің қызметкерлерімен кезекшілік ұйымдастырылуда. Жағдай толықтай бақылауда.