Аудан аумағындағы білім беру ұйымдарында мектеп бітіруші түлектер үшін соңғы қоңырау салтанаты өтті.
Биылғы оқу жылын аудан бойынша жалпы саны 511 түлек аяқтап, үлкен өмірге қадам басты. Оның 497-сі Ұлттық бірыңғай тестілеуге қатысады. Мектеп бітірушілердің ішінде 27 оқушы «Алтын белгіге», 74 оқушы «Үздік аттестатқа» үміткер.
Қандыағаш қаласы бойынша №1 ЖББОМ-ін 44 түлек бітіріп шықты. Олардың алтауы «Үздік аттестатқа» үміткер. Ал №4 ЖББОМ-ін 57 түлек аяқтады. Оның екеуі «Алтын белгіге», біреуі «Үздік аттестатқа» үміткер. №3 мектеп-гимназиясын бітірген 83 түлектің төртеуі «Алтын белгіден», үшеуі «Үздік аттестаттан» үмітті. №5 ЖББОМ-ін бітірген 54 түлектің алтауы «Алтын белгіге», жетеуі «Үздік аттестатқа», ал №2 ЖББОМ-ін аяқтаған 62 оқушының екеуі «Алтын белгіге», үшеуі «Үздік аттестатқа» үміткер.