Қандыағаш қаласының мамандандырылған балалар-жасөспірімдер спорт мектебінде құқық бұзушылықтың алдын алу бойынша спорт мектебінің тәрбиеленушілеріне түсіндірме жұмыстары жүргізілді.
Жиналысқа спорт мектебі директорының оқу ісі жөніндегі орынбасары Талғат Жуманбетов, Мұғалжар аудандық полиция бөлімінің жергілікті полиция қызметінің бастығы, полиция майоры Самат Абдиров,
Мұғалжар ауданы полиция бөлімінің патрульдік полиция тобының аға инспекторы полиция капитаны Даулетбек Жолахмет қатысты.
Кездесуде спорт мектебінің тәрбиеленушілеріне жасөспірімдер арасында қылмыс пен құқық бұзушылықтың алдын алу, кәмелетке толмағандардың бірін-бірі бопсалау, тонау, топтасып төбелесу деректерін болдырмау, білім мекемелеріне ұшты-кескіш заттарды алып келуге тыйым салу жолдары айтылып, кең көлемді мәліметтер берілді. Сонымен қатар, жасөспірімдердің әкімшілік және қылмыстық жауапкершіліктері түсіндірілді.
Сондай-ақ Мұғалжар ауданы полиция бөлімінің патрульдік полиция тобының аға инспекторы полиция капитаны Даулетбек Жолахмет облыс, аудан аумағында соңғы уақыттары мопедтер, мотоциклдер мен скутерлер қатысуымен орын алған жол-көлік оқиғалары жиілеп, адам қазасына ұштасқан жағдайлар тіркелгенін жеткізіп, жол қозғалысы ережелерін қатаң сақтауға шақырды. Сонымен қатар спорт мектебінің жаттықтырушыларына спорттық сайыстарға балаларды автомобиль көлігімен тасымалдау қағидаларын түсіндірді.