«Мұғалжар» аудандық қоғамдық-саяси газеті

Қазақстанда ұшақ билеті қымбаттаған

Қазақстанда әуе компаниялары қызметінің құны бір жылда 18%-ға өскен. Ең жоғарғы баға өсімі биыл Шығыс Қазақстан облысында тіркелді, деп хабарлайды Stan.kz ақпарат агенттігі Finprom.kz басылымына сілтеме жасап.

Ақпан айының нәтижесі бойынша ұшақ билеттерінің бағасы Шығыс Қазақстан облысында бірден 45,7%-ға, Маңғыстау облысында 43,2%-ға, Түркістан облысында 34,8%-ға өскен.

Ақмола және Солтүстік Қазақстан облыстарында баға өзгеріссіз қалған. Ал Павлодар мен Жамбыл облыстарында билет 14,2% және 22,2%-ға арзандаған екен.

«2022 жылдың ақпан айының нәтижесі бойынша Қазақстанда әуе жолаушылар транспорты қызметі 1 жылда 17,7%-ға қымбаттаған», – делінген хабарламада.

Сонымен қатар Ресейге салынған санкциялар салдарынан Қазақстан әуе тасымалы мен логистика саласына өзгеріс енуі мүмкін.

Индустрия және инфрақұрылымдық даму министрлігінің мәліметіне сүйенсек, әуе кеңістігінің жабылуына байланысты Қара теңіз аумағындағы ұшақтардың бір бөлігі Қазақстан аумағы арқылы ұшып өтеді.

Ведомстводағылар еліміздің аэронавигациялық жүйесі қосымша әуе қозғалысын ешқандай шектеусіз қабылдауға мүмкіндік беретінін қосып өтті.

Ұқсас ақпараттар

Ауасы ең лас Еуропа қалалары анықталды

admin_mugalzhar

Қазақстанда қоғамдық кеңестердің бірыңғай порталы іске қосылады

admin_mugalzhar

Наурыз айында ауа райы қандай болады?

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.