Аудан әкімдігінде «Тұтынушылардың құқықтарын қорғау мәселелері бойынша қоғамдық қатынастар және жанжалдарды шешу саласындағы медиацияның рөлі» тақырыбында семинар өтті.
Ақтөбе облыстық ішкі саясат басқармасының тапсырысымен, Азаматтық бастамаларды қолдау орталығының қолдауымен Ақтөбе облысында қоғамдық қарым-қатынас саласында медиацияны дамыту әлеуметтік жобасы аясында өткізілген семинарға кәсіби және қоғамдық медиаторлар, мемлекеттік мекемелермен құқық қорғау қызметкерлері және қала тұрғындары қатысты.
Семинар барысында Батыс Қазақстан медиация орталығы және келіссөздер процесі мекемесінің директоры Алия Куртаева тақырып аясында қатысушыларға жан-жақты мәлімет беріп өтті.
Семинар соңында қатысушыларға арнайы сертификаттар табысталды.