Қандыағаш қалалық №4 ЖББОМ-де “Біртұтас тәрбие” бағдарламасы аясында білім алушыларға кәсіптік бағдар беру мақсатында “Әлемді бағындырған жерлесіміз” тақырыбында кездесу өтті.
Кездесу қонағы — Мұғалжар ауданының мақтанышы Гүлім Құрманбаева.
Білім алушыларды отансүйгіштікке, елжандылыққа, қамқорлыққа тәрбиелеп, өз елінің біртуар азаматтарына деген мақтаныш сезімдерін ояту, оқушылардың спортқа деген қызығушылықтарын арттыру, болашақта мамандық таңдау үшін ақпарат-кеңес беру мақсатында ұйымдастырылған кездесуде Гүлім Құрманбаева туралы бейнематериалдар көрсетіліп, ашық сұхбат жүргізілді. Оқушылар тарапынан спортшыға түрлі сұрақтар қойылып, кездесу әсем әуенмен өз жалғасын тапты.
Гүлім Құрманбаева — белгілі қазақстандық паралимпиадалық спортшы. Ол 2023 жылы Қытайда өткен Азия Пара ойындарында қола жүлде иеленген. Гүлім бұл жетістігі арқылы Қазақстанның атын әлемдік аренада тағы бір мәрте танытты.
Кездесу соңында спортшы Гүлім Құрманбаеваға мектеп ұжымы өз алғыстарын білідіріп, алдағы додаларға сәттілік пен жеңіс тіледі.
ӘЛЕМДІ БАҒЫНДЫРҒАН ЖЕРЛЕСПЕН КЕЗДЕСУ
