DIAFA марапаты қоғамның дамуына үлес қосқан халықаралық және араб қайраткерлеріне беріледі. Әлемге әйгілі қазақстандық әнші Димаш Құдайберген Біріккен Араб Әмірліктерінде DIAFA марапатын иеленді, — деп жазды turkistan.kz. сайтына сілтеме жасаған mugalzhar.kz.
«Құрметті DIAFA өнерге қосқан үлесім үшін берілген марапатқа алғыс айтамын. Рақмет, Дубай», — деп жазды эстрада жұлдызы.
Айта кетейік, «Халықаралық араб фестивалінің беделді премиясы (DIAFA)» — бұл Біріккен Араб Әмірліктерінде, Дубай қаласында жыл сайын өтетін марапаттау салтанаты. Оның барысында әлеуметтік жағдайды жақсарту мен қоғамның дамуына үлес қосқан халықаралық және араб қайраткерлері марапатталады. DIAFA-ның алғашқы марапаттау салтанаты 2017 жылы өткен.