Астана қаласында ҚР Туризм және спорт министрлігінің ұйымдастыруымен жыл сайынғы «Үздік-2024» сыйлығының жеңімпаздарын марапаттау іс-шарасы өтті.
Салтанатты жиынға ҚР Парламентінің депутаттары, Олимпиада ойындарының жеңімпаздары мен жүлдегерлері, әлем біріншіліктері мен халықаралық жарыстардың жеңімпаздары мен жүлдегерлері, спорт журналистері қатысты.
Осы іс-шараға қатысқан Ембі қалалық балалар-жасөспірімдер спорт мектебінің еркін күрес бөлімінің жаттықтырушысы Ғизат Түсіпбаев – «Жылдың үздік ауыл жаттықтырушысы номинациясымен және 1 млн теңгелік сертификатпен марапатталды.
Ғизат Түсіпбаев 2009 жылдан бері Ембі қалалық балалар-жасөспірімдер спорт мектебінде еңбек етеді. Ол Париж Олимпиадасына қатысқан жерлесіміз Мейрамбек Қартбайдың алғашқы бапкері.