Облыстың елді мекендерін газдандыру бойынша 2025 жылы 9,1 млрд теңгеге 13 жобаны жүзеге асыру жоспарланған. Нәтижесінде халық саны 10 мыңға жуық 23 елді мекенге көгілдір отын жеткізіледі, — деп жазды «Ақтөбе» газетіне сілтеме жасаған mugalzhar.kz.
«Мемлекет басшысының аймақтарды газдандыру туралы тапсырмасын жүзеге асыру мақсатында 2025 жылы өңірде бірқатар жобалар жүзеге асырылмақ. Солардың бірі, биыл, «QazaqGaz Aimaq» АҚ-ның облыстық филиалының инвестициялық бағдарламасы аясында 1,8 млрд теңге сомасына Мұғалжар ауданының Қожасай ауылын газдандыру бойынша жұмыстарды аяқтау жоспарлануда» – дейді Ақтөбе облысы Энергетика және тұрғын-үй коммуналдық шаруашылығы басқармасының басшысы Арысұлан Айтбаев.
Басқарма басшысының мәліметінше, 2025 жылдың соңына дейін облыс халқының 96,7% газбен қамтылады.