Энергетика министрі Алмасадам Сәтқалиевтің айтуынша, мұнай өнімдері мен сұйытылған газ бағасы биыл кезең-кезеңімен қымбаттайды, деп хабарлайды BAQ.KZ сайтына сілтеме жасаған mugalzhar.kz.
—Президент жанындағы энергетикалық кеңесте жанар-жағармай бағасын либерализациялау туралы шешім қабылданды. Сонымен қатар сұйытылған мұнай газының бағасы біртіндеп өседі. Тауар газы бойынша баға өсімінің нақты индикаторлары бар, – деді министр.
Оның айтуынша, Үкімет баға бақылауына қатысты нормативтік және әкімшілік шараларды сақтап қалады.
-Әлеуметтік маңызы бар тауарлардың бағасының күрт өсуіне жол берілмейді. Ақпан айында мұнай өнімдерінің, ал жақын арада сұйытылған газдың бағасы көтеріледі деп күтілуде. Тауарлық газдың бағасы биылғы жазда өседі, – деді Алмасадам Сәтқалиев Үкіметте өткен брифингте.
СҰЙЫТЫЛҒАН ГАЗ БЕН ЖАНАРМАЙ БАҒАСЫ КЕЗЕҢ-КЕЗЕҢІМЕН ӨСЕДІ
