Аудан әкімдігінде аудан әкімінің орынбасары Талғат Өтемұратовтың төрағалығымен жиналыс өтті. Күн тәртібінде 2024 жылдың қорытындысы бойынша аса қауіпті инфекциялары сарып, күйдіргі, құтырма, турберкулез ауруы және де паразитарлы аурулар эхинококкоз, дерматомикоз ауруларының эпидемиологиялық жағжайы талқыланды.
Жиналысқа аудандық санитарлық-эпидемиологиялық бақылау басқармасының, аудандық ветеринария станциясының, аудандық аумақтық инспекциясының басшылары және округтердегі ветеринар дәрігерлер қатысты.
Күн тәртібінде қаралған мәселе бойынша аудандық санитарлық-эпидемиологиялық бақылау басқармасының басшысы Ерлан Мұратов 2024 жылы атқарылған жұмыстар бойынша баяндады. Биылғы жылы аса қауіпті инфекциялары сарып, күйдіргі, құтырма, турберкулез ауруы және де паразитарлы аурулар эхинококкоз, дерматомикоз ауруларының алдын алу бағытындағы іс-шаралар жоспарын ортаға салып, сала мамандарының ұсыныс-пікірлерін тыңдады.
Кездесу соңында аудан әкімінің орынбасары Талғат Өтемұратов күн тәртібінде қаралған мәселе бойынша жауапты мекеме басшыларына нақты тапсырмалар жүктеді.