Ақтөбелік жастар мен еріктілер облыс орталығындағы үйлер мен ғимараттардың қабырғаларындағы есірткі жарнамалары бейнеленген граффиттерді өшірді.
Іс-шара «НаркоStop» атауымен ұйымдастырылды. Басты мақсат – есірткі заттарының таралуына жол бермеу, азаматтардың жауапкершілігін арттыру.
Есірткіге тәуелді ететін құралдардың бірі – жарнама. Сондықтан оның таралуына қарсы жазуларды бояуға 200-ге тарта ерікті қатысты. Науқанды Ақтөбе облыстық жастар ресурстық орталығы, Ақтөбе қаласының полиция басқармасы және қалалық прокуратурамен бірлесе ұйымдастырды.
Акция қатысушылары қала тұрғындарын осындай жазбаларды бояп, өшіруге шақырады.