Қазақстандағы мемлекеттік саясаттың маңызды басымдықтарының бірі — қоғамдағы тұрақтылықты, этносаралық келісімді қамтамасыз ету.
Елімізде өмір сүріп жатқан әрбір азамат этникалық және діни ерекшеліктеріне қарамастан, Конституцияда кепілдік берілген азаматтық құқықтары мен бостандықтарын толық пайдалана алатындай ерекше сенімге ие.
2025 жылы жоғарыда аталған ұғымдарды берік ұстанған орган — Қазақстан халқы Ассамблеясына 30 жыл толып отыр. Ең бастысы, ортақ Отанымыз — Қазақстанымыздың өсіп-өркендей беруі үшін бәріміз бір жағадан бас, бір жеңнен қол шығарып, тұтастығымызды сақтауымыз керек. Сонда ғана кез келген қиындықты еңсеріп, дамыған елдердің қатарына қосылатынымыз анық.
Эльвира Хабибуллина, «Шатлық» облыстық татар және башқұрт этномәдени бірлестігінің төрағасы