Аудан әкімдігінде аудан әкімі Дархан Ермағанбетов, аудан прокуроры Ерназар Алдияр, «Атамекен» кәсіпкерлер палатасы аудандық филиалының директоры Көмекбай Бектұрғанов инвесторлар мен кәсіпкерлерге жеке қабылдау өткізді.
Қабылдау барысында инвесторлар мен кәсіпкерлер өтініштерін, ұсыныс-пікірлерін ортаға салды. Аудан әкімі Дархан Ермағанбетов пен аудан прокуроры Ерназар Алдияр әрбір кәсіпкердің мәселесін мұқият тыңдап, олардың құқықтары мен мүдделерін заңдылық тұрғыдан қорғауға, кәсіпкерлердің мәселелерін шешу жолында бірлесе жұмыс істеуге дайындықтарын білдірді.
Сонымен қатар әкімдік кәсіпкерлікті дамытуға және ауданға инвесторларды тарту бойынша белсенді жәрдемдесуге дайын екендігін атап өтті.