—Конституция – мемлекетіміздің негізгі заңы. Ол біздің құқықтарымыз бен бостандықтарымызды белгілеп, қоғамда тәртіп пен әділеттіліктің негізін қалайды. Әрбір азамат Конституцияны білуі және құрметтеуі керек деп ойлаймын. Ал Конституция ұғымы әділдікпен пара-пар деп ойлаймын. Әділдік – бұл бәріне бірдей мүмкіндік беру, заң алдында бәрінің тең болуы. Қай жағдайда болмасын дұрыс шешім қабылдап, ешкімнің құқығы аяқасты болмауы. Әділдік бар жерде сенім, тұрақтылық, бейбіт өмір болады деп ойлаймын. Мен де болашағымды осы саламен байланыстырып, жоғары оқуға түсерде заң саласын таңдадым. Оның себебі – әділдікті қорғау, заңды білу арқылы адамдарға көмектесуді мақсат етемін. Әрбір азаматтың құқығы қорғалған, әділетті қоғамда өмір сүргім келеді. Сол үшін заң саласын оқып, білікті маман болуды армандаймын. Менің ойымша, заңгер болу үшін ең алдымен адалдық, әділдік, жауапкершілік қажет. Сондайақ көп оқу, іздену, аналитикалық ойлау, нақты сөйлеу мен жазу қабілеттері маңызды. Адаммен дұрыс қарым-қатынас жасай білу де заңгерге тән қасиет болуы тиіс.
Милана КӨЛБАЙ, №3 мектеп-гимназия түлегі: МЕНІҢ АРМАНЫМ — ӘДІЛ ЗАҢГЕР БОЛУ
