Жағабұлақ ауылында 100 орындық балабақшаның құрылыс жұмыстары аяқталып, жақын арада пайдалануға беріледі. Жалпы ауданы 1048,33 шаршы метрді құрайтын ғимараттың құрылыс жұмыстары өткен жылы басталған болатын.
Жобаның жалпы құны 715 млн 455 мың теңгені құрайды. Облыстық құрылыс, сәулет және қала құрылысы басқармасының тапсырысы бойынша бой көтерген ғимараттың құрылыс жұмыстарын «Санжар» ЖШС-і жүргізді.
Бұған дейін ауыл балалары 50 орындық тар және ескі ғимаратта орналасқан. Ауыл тұрғындары жыл сайын мәселе көтеріп, жаңа балабақша салу жөнінде ұсыныстарын білдірген болатын.
Жаңа балабақша ауыл балаларына сапалы білім беруге қолайлы жағдай жасауға септігін тигізеді. Заманауи жабдықтармен, оқу және ойын аймақтарымен толықтай қамтамасыз етілген. Балалардың жан-жақты дамуына жағдай жасалған.