Аудан әкімдігінде аудандағы қоғамдық тәртіпті сақтау мен қауіпсіздікті қамтамасыз етуге үлес қосқан полицияның қоғамдық көмекшілері марапатталды.
Жиын барысында аудан әкімінің орынбасары Жомарт Бақыткелді қоғамдық тәртіп пен қауіпсіздікті қамтамасыз етуге ат салысқан азаматтардың еңбегін ерекше атап Алғыс хаттармен марапаттады. Сонымен қатар жаңадан қызметке тағайындалған көмекшілерге куәліктерді табыстады.
Іс-шара құқық бұзушылықтың алдын алуға, халықпен тығыз серіктестік орнатып, сенімді нығайтуға елеулі үлес қосып жүрген қоғамдық көмекшілерге алғыс білдіру мақсатында ұйымдастырылды.