Қызылорда облысында өткен Ұлттық құрылтайда ел руханиятын дамытуға бағытталған маңызды шешімдер қабылданды. Соның ішінде 100 мәдени орталықты күрделі жөндеуден өткізу мәселесі қолдау тапты.
Бұл бастама өңірлердегі мәдени инфрақұрылымды жаңғыртып, халықтың мәдени өмірін жандандыруға, ұлттық құндылықтарды дәріптеуге үлкен мүмкіндік береді. Жаңартылған мәдениет ошақтары шығармашылық ұжымдар мен тұрғындар үшін қолайлы әрі заманауи кеңістікке айналады.
Мәдениет – ұлттың мәйегі. Ұлттық құрылтайда көтерілген бұл шешім соның айқын дәлелі.
Алмат Сматов, Мұғалжар аудандық мәслихатының депутаты.