Қызылордадағы құрылтай еліміздің саяси және қоғамдық өміріндегі маңызды оқиға болары анық. Ерекше мәнге ие, ауызбіршіліктің алтын қазығы болған құрылтай осыған дейін Ұлытау, Түркістан, Атырау, Бурабайда өтті, онда айтылған ұсыныс-пікірлер зерделеніп, 16 заң қабылданды.
Ұлттық құрылтайдың басты құндылығы – оның ашықтығы мен мазмұн тереңдігінде. Мұнда айтылған ойлар жабық кабинет ішінде қалып қоймай, нақты шешімдерге айналу жолына түсті. Мұнда көтерілген мәселелер кейін заңнамалық түзетулерге, мемлекеттік бағдарламалар мен Президенттің нақты тапсырмаларына ұласуда.
Ұлттық құрылтай осы жолда қоғам мен мемлекеттің арасындағы үнсіз келісімді бекітетін алаңға айналуға тиіс.
Болат Әуезхан, зейнеткер, Қандыағаш қаласының тұрғыны.