Армения мемлекетінің Ереван қаласында самбо күресінен әлем чемпионаты өтті. Бұл чемпионатқа жерлесіміз Азия және Океания чемпионатының күміс жүлдегері атанған Еламан Қойшыбай да қатысты.
Хорватиялық, руминиялық және ирандық палуандармен 4 белдесу өткізіп, қарсыластарын айқын басымдықпен жеңген ол ақтық айқасқа жолдама үшін ирандық палуанды “аяққа ауырту” әдісімен жеңіске жеткен. 88 келі салмақ дәрежесінде күрескен спортшы финалдық ойында қырғыз палуанына 2-0 есебімен есе жіберіп, әлем чемпионатында күміс жүлде иегері атанды.
Әлем чемпионатында өнер көрсеткен палуан жеңісіне үлес қосқан бапкерлері Эдуард Саламат пен Ағаділ Убаевқа өз алғысын жеткізді.